影片
更多
2011-02-24
43 浏览
一年一度的情人節,從來都是花店和食肆賺錢的好機會是次光顧的ZAKS,就最能將呢種揾銀精神發揮到極致.平日餐價是HKD250左右一位.情人節承惠HKD988兩位,足足貴了一倍節日慶祝,本來是預了要駛錢,但駛得舒唔舒服又係另一回事先說收費安排,餐廳硬性規定要先買餐券,目的是省卻用餐後埋單的時間,務求返枱快,多做幾枱生意環境方面,ZAKS實在係求其到爆摺枱加上餐紙上用箱頭筆大大隻字寫個枱號係度,連大家樂都不如擺枱都咁隨便,仲邊會有人俾面?服務又係得啖笑,外籍waitress黑口黑面,似保安員多過似服務員帶位帶到你去大廳,然後同你講"鍾意坐邊張就坐邊張"咁其實駛乜帶位?叫啲客入去自己揀位咪得囉坐好後女朋友想去restroom,剛踏上幾級樓梯就被職員阻止話上層好多人,暫時唔開放,要用厠所唔該出出面用商場厠所.唔通坐樓下就唔係ZAKS嘅客?食物又點呢?情人節只有情人menu可以從三款頭盤中選兩款,三款主菜中選兩款,再加上甜品全部事前做定,餐單設計馬虎,湯只有磨菇湯一種,然後pasta又係磨菇天使麵點餐時無問我哋牛柳要幾成熟,我諗應該係全部劃一煮好咗七成熟.磨菇天使麵十分大碟但味道不佳,眼見隔離左右
是次光顧的ZAKS,就最能將呢種揾銀精神發揮到極致.
平日餐價是HKD250左右一位.情人節承惠HKD988兩位,足足貴了一倍
節日慶祝,本來是預了要駛錢,但駛得舒唔舒服又係另一回事先說收費安排,餐廳硬性規定要先買餐券,
目的是省卻用餐後埋單的時間,務求返枱快,多做幾枱生意
環境方面,ZAKS實在係求其到爆
摺枱加上餐紙上用箱頭筆大大隻字寫個枱號係度,連大家樂都不如
擺枱都咁隨便,仲邊會有人俾面?
服務又係得啖笑,外籍waitress黑口黑面,似保安員多過似服務員帶位帶到你去大廳,然後同你講"鍾意坐邊張就坐邊張"
咁其實駛乜帶位?叫啲客入去自己揀位咪得囉
坐好後女朋友想去restroom,剛踏上幾級樓梯就被職員阻止
話上層好多人,暫時唔開放,要用厠所唔該出出面用商場厠所.
唔通坐樓下就唔係ZAKS嘅客?
食物又點呢?情人節只有情人menu
可以從三款頭盤中選兩款,三款主菜中選兩款,再加上甜品
全部事前做定,餐單設計馬虎,湯只有磨菇湯一種,然後pasta又係磨菇天使麵
點餐時無問我哋牛柳要幾成熟,我諗應該係全部劃一煮好咗七成熟.磨菇天使麵十分大碟但味道不佳,眼見隔離左右幾枱都食剩哂.
甜品方面朱古力蛋糕又硬又實,士多啤梨慕絲比較好味,就是在超級市場買到那種味道
食到尾聲,無厘頭有個小提琴手進場拉咗首不知名的本地情歌,然後就是派發票恭請交枱離座,感覺非常突兀,下次應該拉歡樂今宵晚安歌嘛
ZAKS能夠將情人節晚餐弄成這個樣子,是拿自己店鋪名聲作透支,起碼今次之後,我一定唔會再幫襯
食完之後乜嘢mood都無哂,女朋友話都幾好吖,其實我心知佢唔鍾意的,I am so sorry~~
张贴
