Enthusiasm Cafe (已結業)

之前係佢試業咗一個幾月嘅時候去Enthusiasm Cafe，鍾意佢嘅餐廳名，亦鍾意佢摩洛哥風情嘅裝修，喺最近周圍都係一律嘅白色木色加玻璃嘅裝修氣氛入邊，呢度更顯得特別同埋清新，同咗打理餐廳嘅年青人傾偈，喺網上好少見到佢哋嘅post，餐廳自己完全冇宣傳，傾偈後知道原來佢哋特登唔做宣傳，唔想太多人一次過嚟到而自己做得唔夠好，而相對令人失望，好想一步一步去改進，不論係環境嘅佈置，或者食物嘅種類，同埋味道嘅控制⋯⋯希望用口碑令到更多人認識同埋欣賞，欣賞佢哋嘅努力同埋熱誠🥰試咗佢哋嘅Carbonara Linguine $82- 佢哋嘅扁意粉有口感，食落唔乾身，味道亦調校得好好Lobster Salad Burger $88- 龍蝦沙律味道做得清新，亦配有蔬菜沙律同薯角，薯角做到外脆內軟Americano $0Latte $19總括覺得佢哋嘅食物用心，亦有水準，lunch set 包Americano，如果轉其他嘢飲就半價，真心覺得性價比高👍🏻一定會再嚟，希望佢哋繼續努力，越做越好，下次就想試吓佢嘅甜品