旮旯 (已結業)

因為一啲原因，星期六1:40pm左臨時有時間係元朗high個靚tea，餐廳裝修係日式小店風，簡約有品味，有張二人bar枱面向街。因為已經食左正餐，所以我只叫左甜品同咖啡，隔離哪左午餐，我見佢都食得津津有味，下次有時間去試下正餐。我係抹茶甜品控，就係中意抹茶帶有一啲苦味，令個甜品唔會太甜。===蛋卷===蛋糕卷有伯爵茶，抹茶，抹茶紅豆三個味，因為心情唔太好，揀左靠甜的抹茶紅豆，蛋糕口感比較厚實，配抹茶紅豆忌廉，甜度啱啱好，唔中意食咁甜可以試下抹茶味。===茶餅===本身諗住食葛餅，但佢得原味，唯有下次先，見到好多人叫茶餅，我又叫來試下，有芝麻同抹茶味，可以揀紅豆餡或者無餡。叫左抹茶味紅豆餡，哥哥仔話要等一陣先有，我懷疑佢係即整，味道果然冇令人失望，口感好煙韌，外面沾左好多抹茶粉，甜度啱啱好。===roes latte===杯rose latte 都唔錯，冇我唔中意果陣奶臭味，飲左差唔多兩個鐘，個拉花都仲好公整🥰