魚鮮生刺身專門店 (已結業)

難得放假嚟銅鑼灣，去搵間正嘢食吓先。套餐除咗主食外仲有前菜同餐湯。今日嘅餐湯係海帶湯，味道比較清淡好健康。前菜係麻醬豆腐，豆腐好香濃好嫩滑。今次我揀咗活鮮赤珍味丼。呢個丼雖然只有四款魚生，有每款都份量十足好大舊。生蠔味道好鮮甜同埋好多汁好juicy。帶子肉好結實有口感。赤貝咬落好爽口彈牙。海膽新鮮清甜又無腥味好好食。友人揀咗極上壽司定食。壽司用一隻長碟裝好有排場，一共有十款唔同口味。每款魚生都好新鮮又足料，食完好滿足。飯底係用比較少見嘅紅醋飯，食落味道特別香。海膽軍艦就嚟滿瀉。三文魚籽喺口爆發出陣陣魚香味，好正。拖羅厚切到遮曬成舊飯。