Catee (已結業)

荃灣確是一個很可愛的小區，放工之後的晚飯很多小店可供選擇，店員招呼熱情，食物又有創意，當中一間經常滿座的是 Catee，如果慶祝生日的話，小店會幫你播生日歌助興吹蠟燭呢！好有心思！晚餐選擇多價錢又不貴 $200-300，奉送是日餐湯、沙律、飲品及甜品，點一些小食再吃個飯兩人份量已經很足夠。是日餐湯、沙律沙律菜食材新鮮，餐湯有水準有誠意！《西班牙海鮮炒飯 》$228這兒的飯底很濕潤，飯本身已滲入濃郁的海鮮味道。蜆肉、大蝦、墨魚仔等一同焗製，食落味道濃郁惹味，平底鑊邊還有少許脆口飯焦，爽！《小食拼盤》$138店員小心翼翼奉上小食拼盤，見到內容超豐富。大大隻單骨炸雞翼皮脆肉嫩又多汁、炸魷魚圈非常彈牙，仲有酥脆的炸薯條，好食到停唔到口。《茄蓉羅勒辣肉腸燴長通粉》 $128感覺新鮮的茄蓉，入口酸酸甜甜，羅勒滿滿的香草味，辣肉腸鹹香滿溢，燴長通粉掛汁度高又彈牙，質素好！最後跟餐的甜品及飲品確實有驚喜，這點已經顯出小店有誠意做到最好，值得支持！下次經過一定再會光臨。