Soho Banh Mi (已結業)

食過好多香港越南人開嘅餐廳，多數都係得粉麵好味。（都唔好計，次次落金邊粉都係俾返米粉我。）其他嘢食，好似米紙卷同餅麵咁，一係唔啱我食，一係menu直頭無。呢間專做法包嘅鋪頭，係我係香港第一次食得返我想搵返嘅越南法包。首先，淨係要個包係脆嘅（明明係基本嘢嚟）都已經有好多間做唔到。仲有佢哋嘅燒肉調味係同返我以前無論係去越南玩定係係美國嘅越南人整嘅都一樣味道。米紙卷嘅米紙濕度適中，亦有好好咁處理食材嘅水，唔會成舊嘢濕糴糴咁攞嚟俾你。我唔係越南人，我唔會知道乜嘢叫正中。但呢間賣嘅餅麵同米紙卷都係我係香港唯一食都係過往我品嚐過嘅越南味道。