日之食放題館 (已結業)

前排同朋友o係呢度試過日式火鍋放題.o係樓下派街招時話包埋魚生任食,坐低至發現原來係要額外加幾十蚊,都幾搵笨.因為限時兩小時,又見好多人,所以一坐低就立刻落單,但係坐坐(約半個鐘)唔對路,我地叫o左D一樣都冇來,但隔鄰檯就不停有o野食上檯,跟住我地叫個侍應來問下,佢就話廚房好多單要等下.之後又15分鐘,只有一樣o野上檯,等到我地又好肚餓又好嬲,叫o左個部長來投訴,個部長重衰,淨係叫我地等下就行o左去!!!!後來我地再叫人來時佢明明見到,都特登扮睇唔到!!最後我地發晒惡話要走,個侍應立刻入廚房check,先至發覺我地D order全都俾人掉晒,怪唔得冇o野食!!佢立刻叫我地再order,結果係5分鐘之內全部到齊,個侍應重親自送上o黎添!!但係只係剩番半個鐘食咋,而且好多o野食都話冇晒!!到埋單收錢時o個個部長終於彈番出來,先至講唔好意思,簡直離晒譜!另外食物質素重差過元綠,唔食都冇損失!!!!!!