點點心點心專門店 (已搬遷) 新店位置

慕名而來， 失望而回 大約下午兩點，一家人浩浩蕩蕩到達，由店外望入，全場爆滿，咁勁.....等了十分鐘就有位，又幾快喎，一坐下就有數隻烏蠅圍住我們，我排雲掌一出，擊退了烏蠅們，我那雙鷹銳的眼睛環顧四周，見到不少武林人仕在飲食其間不斷使出看家本領，但敵眾我寡，有不少點心相繼殞落.......真係菠蘿包…暖暖地，賣相無咩特別，其實內裡得一舊仔菠蘿，都幾搵笨，味道仲衰過普通菠蘿包， 滋味蜂巢糕…熱辣辣，有四件，賣相趣怪，味道偏甜，蠔皇鮮竹卷…汁杰，味道麻麻，蝦米蔥花腸…份量多，但蝦米和蔥花少得可憐，味道不見突出，糖心牛肉飯…糖心只是煎蛋，蛋黃仲要熟哂，做不到窩蛋撈飯的效果，牛肉幾滑，但飯粒偏硬，我不喜歡，白灼時蔬…菜係多，但質好差，有菜蟲，洗得不夠乾淨，黃金奶王包…都幾似流沙包，一咬開真的有野流出來，包皮軟潮州粉果…味道可以，但一夾就爛，人多時侯真的好迫，一坐下就不能郁，都幾慘，記得添茶，長期缺茶，我地做食客就好慘…整體食物中下水準，仲有進步空間，衛生環境記得改善。