東京一品拉麵 (已結業)

今晚收工收夜左，一出朗屏站就左右望望，睇下有咩好食。因為唔想食雞煲火鍋，選擇少左好多。點知一出天橋，就望到呢間拉麵店-東京一品拉麵-，之前未食過，望望個餐牌，甘平既，就同老公走入去叫野食。我叫左汁燒雞亦拉麵（韮菜麵），配南瓜薯餅，熱菜蜜。老公就要北海道九州拉麵（原麵），加5蚊配紅虎蝦湯，配芝士年糕，凍檸水。食拉麵最重要係個湯要夠熱，呢度個湯上到枱仲好熱，抵讚。我個湯底正常冇特別，但老公個蝦湯超正，蝦味好濃，早知我都加錢轉湯。雞亦好正，皮脆肉嫰。韮菜面要慢慢食，先食到韮菜味。其他好正常，係個麵吸收唔到個湯味，差少少。