JOMO (已結業)

身為將軍澳嘅人氣打卡店，一定唔少得招牌戚風蛋糕「JOMO」👏 將軍澳人氣Cafe @JOMO Coffee & Cakes 快閃登陸海港城喇🙆 外型好似一個迷你小雪山咁樣嘅戚風蛋糕十分精緻，佢哋嘅戚風蛋糕主打六款口味：伯爵茶、黑芝麻、開心果、熱情果、柚子同埋紅莓口味，而我哋揀咗熱情果味紅莓口味✨前者面層加咗熱情果醬，帶有粒粒熱情果籽，酸甜醒胃❤️後者呈淡紅色，食落亦十分清新！柔軟細膩嘅戚風蛋糕鬆軟之中帶有水果清香，充滿空氣感又做到濕潤效果，唔會乾爭爭，水準一流😋搭配忌廉食用，口感豐富得嚟奶香濃郁，令人欲罷不能。而且忌廉更採用低糖配方，所以一啲都唔會膩，真正好睇又好食，經過海港城一定要試下呢✔️