金源冰室

疫情期間好多人都喺屋企㗎喇，不過得閒都要出嚟chill吓！最想就係去郊遊呼吸吓新鮮空氣～早排就去咗《坪洲》～好多城市人平時都應該好少嚟，我同先生都係第一次踏足呢個地方！
相比起長洲呢個熱門離島景點，坪洲係少啲人嘅！不過相對配套都無咁多，餐廳亦都得幾間選擇～今次試吓《金源冰室》最出名嘅豬扒炒通！唔好以為離島無好嘢食啊！大大碟好夠穫氣㗎！填飽個肚就可以行去大利橋打吓卡，仲可以行上手指山睇吓對面嘅愉景灣一帶景色！