草根食堂 (已結業)

一個人去食飯有時都好煩。不是煩在唔知食咩好，而係，煩在搵位煩。好艱辛才會找到位子坐。就好似今日咁，一到午飯時間，周圍的食店都滿是人，真是人滿之患。走進這店子，兜咗一個圈，終於搵到個位攝入去搭檯。今天的目標係，最緊要快! 所以，無須多想，就叫了一個草根扒餐 -- 燒汁香腸雞扒餐配白飯和熱咖啡。作為一間咁草根的食店，上嘢當然係要快啦。唔夠一分鐘，咖啡已到。味道係一般茶記的味道，OK 嘅。跟住，兩分鐘後，碟飯都到。個燒汁個味道較得幾好，所以，一大碟飯都食得晒。雞扒切成細件，方便食。腸仔係廚師腸，細個時，時時食，依家好少食，又幾好味喎。五分鐘就俾我KO晒所有嘢。