星洲名廚 (已結業)

行行下 突然想食新加坡野食 就上黎搵吓啦碌碌吓就見到依間餐廳 就試試佢啦緊係一入到去就已經有人問我幾多位啦 再即刻比餐牌我睇比起平時餐廳啲職員呀 點會咁有禮貌咁有耐性問你呀 係都等你自己搵位啦 我就揀咗好耐 因為響餐牌上嘅野食都好吸引咁我就叫咗半隻海南雞 一份雞翼 同埋一杯熱檸水啲野食都好快到 先講講果半隻海南雞 一個人食岩岩好 多肉又夠滑 雞皮又唔肥 我一開始無點三色醬食嘅 都好夠味 最尾我就試埋用個醬 只可以講係畫龍點睛嘅效果 今次我揀咗白飯 下次再去 一定要試油飯 一定會令成個晚餐效果更上一層樓之後到個雞翼 有五隻 唔須多講 三隻字 香，脆，嫩 講真 叫咗白飯嘅我 啲雞油流晒落啲飯度 淨咁食個飯都食得晒 比個建議大家：我望到隔離台啲人叫嘅野食 啲量都好多 下次去一定要同一家人/朋友去 可以叫多啲野分享一齊食