華嫂冰室 (蝦尾新村)

营业中

休息中

搬咗之後都係第一次嚟，地方乾淨咗，門口有好大地方泊車，等位嘅地方闊落左，係呀平日都仲係要等位，大概15分鐘左右。因為坐出邊所以唔知室內嘅地方係咪大咗。先來兩杯凍飲，因為坐室外嘅關係，我哋同隔離枱都同職員反映有嘢咬，佢話冇辦法， 石地比較多，下次都係要等返室內位。好耐冇黎，招牌菠蘿包點解細咗咁多嘅，不過都材料新鮮，菠蘿包夠脆。芫荽皮蛋湯底嘅豬膶牛肉出前一丁，湯底味燶。鹹牛肉三文治，仍然好出色，又脆、多汁又多料。蕃茄湯底豬扒雞翼米粉，米粉吸晒蕃茄湯，豬扒半肥瘦，雞翼夠晒入味。4 個人$2 百幾，唔貴不過相比之下冇以前性價比咁高，平日唔使等太耐都會考慮再嚟。