永興茶餐廳 (已結業)

打波前搵地方下午茶黎到呢間永興茶餐廳,對太子既茶記黎講都幾大間,出面放滿剛出爐既麵包十分多人買外賣,而入面係正常有卡位,有圓枱既茶餐廳隔局.食物方面都係一般常餐特餐碟頭飯之類
食下午茶既我見到除左常餐之外, 仲有一個芝士鯪魚球,所以點黎試下,
個餐包一杯野飲,菠蘿油同個鯪魚球, 奶茶都算幾滑,好香紅茶同奶味味,個人覺得只有舊式茶記既奶茶先會飲得下人, 菠蘿油上面既脆脆吾夠多同質感,咬落去連埋麵包比較林,雖然入面舊牛油夠凍,但味道只算正常
芝士鯪魚球幾好味,出面茖麵粉炸到好脆而入面既鯪魚肉好足料,咬得出密度好高而由於俾出面層炸阻住溫度揮發,入面十分熱辣辣,而且每粒魚肉都會有一舊芝士喺入面,芝士半溶,配合鯪魚肉,正!值得一試

熱奶茶&菠蘿油

炸鯪魚球釀芝士