Mamaday (已搬遷) 新店位置

之前聽朋友介紹過尖沙咀呢一間非常搞怪的餐廳，原來搞怪背後，隱藏著一份認真和用心烹調的美味。來自舊金山的斧頭豬猷如卡通片裏面先見到的大塊肉扒，厚度亦都非常誇張，難得的是肉質依然非常軟淋，而且肉汁澎湃湧出，外層懷疑用上蜜糖上味，帶有少少甜香，感覺像吃緊一片進化版的叉燒，但肉質更嫩滑。配菜的蝦片及沙律菜出色。特別的是附上一碗胡麻醬烏冬，帶酸甜的醬汁配上一口豬肉非常滿足。唔好抱咁大期望蒲燒鰻魚蛋包飯加28蚊可以upgrade原條鰻魚上，而呢個原條鰻魚實在叫得沒有後悔，做到接近日本的外脆內嫩，而且充滿魚油香，肉質植道非常細緻，絕唔係平價鰻魚。蛋包飯再加上木魚碎及醬料，什有大阪燒的風味，配合一啖鰻魚一啖蛋包飯，實在食極都唔知飽。都算基本嘢：肉食者沙律其實是配上炸雞的雜果蔬菜沙律，炸雞的炸醬做得出色，薄身掛肉但不油膩。雜果蔬菜沙律除了蔬菜新鮮，更發現比較少有的紅桑子和芒果等令其更添特色，增加口感和味道。牛油果沙冰口感係杰撻撻的絕對真材實料，其實等同你飲緊一個液體版嘅牛油果，雖然非常冰凍，依然保留到牛油果那份甘香軟滑，推介。