超哥印尼餐廳

营业中

休息中

之前睇影片分享平台介紹於是決定試吓，當時黃薑飯已經賣晒，所以簡單叫咗一碗湯麵一碗撈麵。湯麵一上嚟，無咩香味，見個色咁清覺得有D 唔對路，飲啖湯，水咁淡...算數，食啖麵，個麵口感同一般麵檔分別不大，但上面d配料就少得可憐，所有料都切得碎，例如佢將一舊正常大細叉燒切成十舊咁上（唔係講笑，食過嘅人會明我講咩），換言之，食晒都係一舊叉燒、一舊魚片、一舊豆腐泡份量，完全唔知食緊乜。撈麵上到嚟，大致差唔多，個老闆娘仲話麵已經調好味，先試吓，有需要再自己加調味。食咗一啖，好淡，自己再加d 調味，完全係營多即食麵咁，完全無特別。埋單$120，唔係貴但食到一肚氣，下次我都唔會再去。