屏山老地方 (已搬遷) 新店位置

今日同老公本來想試另一間屏山著名冰室...可惜大排長龍...知道呢度仲有另一樣好o野...於是轉場去試肉餅~ 舊鋪o係公廁對面...有指示去新鋪...都係行前幾十米過馬路就到...一定搵到~ 兩個鋪位都係住宅改裝...我地入o左一個房仔坐...有少少逼...不過冷氣都仲可以~ 睇睇menu...除o左regular餐牌...佢仲有張手寫o既廚師推介...但係我地一心想試生果味o既肉餅...於是就問~真係好似secret menu咁~ 問就有~ 今日有榴蓮芒果同荔枝~ 我地揀o左有榴蓮同芒果煎肉餅...佢話要等20分鐘~ 不過飲品好快到...慢慢等...等到肉餅上檯...wa~ 真係好香~ d肉餅煎得好脆~ 好靚仔~ 我係order芒果肉餅...即刻試o下~ 芒果味其實唔係話好勁...不過夾埋肉餅食就真係中和到d肉味~ 而且佢D肉餅真係好脆好香口又熱辣辣~ 真係名不虛傳~ 至於榴蓮肉餅...因為我唔食榴蓮...所以無試...但係老公就話好正好特別...仲話要encore~ 就算唔係生果肉餅...下次我都想試o下menu上面其他肉餅~