影片
更多
2017-04-10
1466 浏览
今日同喺加拿大番嚟嘅朋友阿 Drew 食飯，佢 stay 喺住深水埗嘅屋企人度～因爲小妹夜晚要番學，陪唔到佢去食飯，所以叫佢過嚟荔枝角一齊 lunch~因上次 Ki 介紹呢間水族餐廳試過幾好味，今日再番叮！阿 Drew 未夠 12 點已經到咗，佢就幫忙去攞位先～ 今日喺等過班馬線時影咗呢張相，方便大家搵路～ 餐廳就係荔枝角 exit B1 地面過條馬路咁近～（圖中左面就係 B1 出口，圖右 2 樓就係餐廳）一上去就見阿 Drew 坐咗喺餐廳角落，因為時間尚早，餐廳只有幾枱客～可以影個室內環境～不過餐廳有兩邊，呢張相係其中一邊～有個大魚缸好靚！今日轉咗新 menu，當然價錢都略略提升咗啦！冇咗我上次喜歡嘅三文魚南瓜意大利飯，有啲失望！冇辦法啦！我揀咗香煎大蝦伴南瓜意大利飯，阿 Drew 就點咗香煎龍脷柳伴菠菜忌廉汁，可以揀薯菜、意粉或飯，佢揀咗跟飯～餐湯我揀咗白湯（唔記得係咩魚湯），Drew揀咗紅湯～餐湯同餐包話咁快就到，我覺得個湯超級稀，同飲緊有色有鹹味嘅水冇咩分別！魚尚算可以，肉質夠滑，而薯仔係爽口的，湯入面嘅薯仔唔係應該淋的嗎？而個餐包脆卜卜，夠蒜蓉味，微熱，可接受啦！阿 Drew
因上次 Ki 介紹呢間水族餐廳試過幾好味，今日再番叮！阿 Drew 未夠 12 點已經到咗，佢就幫忙去攞位先～ 今日喺等過班馬線時影咗呢張相，方便大家搵路～ 餐廳就係荔枝角 exit B1 地面過條馬路咁近～（圖中左面就係 B1 出口，圖右 2 樓就係餐廳）
一上去就見阿 Drew 坐咗喺餐廳角落，因為時間尚早，餐廳只有幾枱客～可以影個室內環境～不過餐廳有兩邊，呢張相係其中一邊～有個大魚缸好靚！
今日轉咗新 menu，當然價錢都略略提升咗啦！冇咗我上次喜歡嘅三文魚南瓜意大利飯，有啲失望！
冇辦法啦！我揀咗香煎大蝦伴南瓜意大利飯，阿 Drew 就點咗香煎龍脷柳伴菠菜忌廉汁，可以揀薯菜、意粉或飯，佢揀咗跟飯～餐湯我揀咗白湯（唔記得係咩魚湯），Drew揀咗紅湯～餐湯同餐包話咁快就到，我覺得個湯超級稀，同飲緊有色有鹹味嘅水冇咩分別！魚尚算可以，肉質夠滑，而薯仔係爽口的，湯入面嘅薯仔唔係應該淋的嗎？而個餐包脆卜卜，夠蒜蓉味，微熱，可接受啦！阿 Drew 好快就飲晒個紅湯，我估味道應該可以吧！
跟住阿 Drew 嘅飯好快送到，睇落份量唔係好多，而且幾齋、幾寡噉～而阿 Drew 亦喺短時間內已經食晒，我相信佢一定唔夠飽！
而我嘅意大利飯隔咗約 5 分鐘都送上喇！說實話，非常非常之失望！說好嘅香煎大蝦，我 expect 真係香煎連殼上嘅蝦，我面前嘅蝦似係普通烚蝦冇分別，完全冇味，仲要冇任何香味！而個飯... 由圖可見，份量好少，而且似係煮好一段時間！我係被上次個三文魚南瓜意大利飯吸引再嚟光顧的，不過今日真係好失望！好失望！
不出所料，番到公司，未夠4點就肚餓了！今次用餐經驗同上次反差太大了，真係好失望！我相信我唔會再願意俾呢個價錢嚟呢度食喇！
张贴
