Brother 5 Bar and Restaurant (已結業)

話說提早食父親節飯，成日都係食酒樓，老婆吖哥提議食西餐，我當然讚成！上‘’開飯‘’睇下大西北有咩西餐好食，話時話搬左入大西北差唔多一年，都冇乜食過似樣少少嘅西餐。記得早兩個星期經過呢間鋪仲裝修緊，估唔到咁快開張，就試一試！門口有餐牌，價錢唔貴，仲可以加$56蚊𨍭set, 會多一個頭盤同湯。湯就有磨菇湯同洋蔥湯揀，估唔到頭盤都有五，六樣款式可以揀！美中不足嘅係酒嘅選擇比較少，draft都係得1664白啤同嘉士伯，如果有多啲選擇會好好多！