Kiuki Sweet Bakery

营业中

休息中

有一日喺IG無意中見到呢間嘅蛋糕好靚，而且價錢同一般嘅連鎖店差唔多，而且地點近返工，就姑且試一試。一早上網預訂咗4寸嘅招牌海鹽焦糖 x 伯爵茶戚風蛋糕（$450）。上到去見到門面嘅裝修都好靚，不過入面好似有活動，所以入唔到去睇。好快職員拎咗個蛋糕出嚟，包裝得好靚，連生日牌都唔馬虎。拎到返屋企放埋佢嘅蜂蜜焦糖脆脆做裝飾，淨係外觀已經贏晒！打卡勁適合！但呢個蛋糕絕對唔係睇得唔食得，蛋糕外層嘅自家製海盬焦糖忌廉配以入面嘅牛奶可可脆米醬同特濃伯爵奶涷，味道好濃郁，但一啲都唔甜，好有層次，成家人食得勁開心勁滿足！