穴 (康怡廣場) (已結業)

第一次幫襯這餐廳，可能比較早到,不用等位。點了兩個午餐，一個魚生飯配天扶良麵和三款串燒配五款刺身御膳。兩個餐感覺都好豐富，好滿足。有前菜，有蕎麥麵或烏冬，有魚生飯，天婦羅，一大盤魚生， 還有燉蛋，面鼓湯，和果子，都食得幾飽。唯獨三文魚刺身，我比較喜歡切片，而不是一大舊魚肉。整體來說，食物質素很不錯，在太古區來說，性價比幾高。餐廳環境舒適，但感覺侍應服務表現得比較緊張，例如每食完一樣東西，侍應都會好緊張立刻過來收拾，飲完杯水又會好快立刻走過來加水。其實加水，收碟這些服務都是好的，但如果太頻密，對食客來說會做成一種騷擾。也很難說要幾疏幾密才是最好，但一般來說，如果張枱不是很擠迫的話，我覺得遲一些收拾碗碟，其實不是太大問題。亦因為佢哋咁緊張，搞到我都緊張起來，無辦法好輕鬆地去享受這一餐。假期週末的日子，我覺得餐廳內氣氛和節奏可以調慢一點，其實大家可以放鬆一點就會更加好。