影片
更多
2023-06-17
1805 浏览
呢期🐤🐤好紅哦！根據《本草綱目》：「鴨肉主大補虛勞，最消毒熱，利小便，除水腫，消脹滿，利臟腑，退瘡腫，定驚癇。」中醫有認為，鴨肉有養胃、補腎的功效，能清熱、消腫，尤其適合體內熱氣引起，有大便乾結、水腫症狀者食用。所以我哋呢晚一家大細，決定同老爸嚟食片皮鴨啦！呢間位於新城市廣場8樓嘅北京樓，似乎喺沙田開業十多年，但我哋都係第一次幫襯。主要原因呢間走中高檔路線，價錢絕對唔算大眾化。但係難得老爸想食片皮鴨，所以就算貴都嚟幫襯吓啦！我哋6點半就到咗，嚟到後見有好多吉枱，侍應就送上兩壼茶水。未幾，開始人多，侍應已忙不過來。而我哋舉手想點餐亦都冇乜人理。等咗好耐，終於有人理吓我哋啦😂點餐冇幾耐，先嚟咗個瑤柱蛋白炒飯，都幾好食。米飯粒粒分明，咸淡適宜。唔住就嚟咗個金銀蛋莧菜，都係不過不失，同普通茶樓質素一樣。跟住就嚟咗個豉汁蒸白鱔，鱔球一共八舊，每一舊都索價$30幾，好貴哦！真係要嗒真啲了！鱔球冇泥味，肉質爽口彈牙，都幾新鮮嘅！跟住就係是晚嘅主角出場喇！薄餅皮下面有個小爐慶住，不過一陣就熄滅，要趁熱食喎！鴨皮充滿油潤光澤，包住京葱和青瓜絲，再加海鮮醬，一口一個，實在令人回味無窮呢！我哋每人都可以食到
根據《本草綱目》：「鴨肉主大補虛勞，最消毒熱，利小便，除水腫，消脹滿，利臟腑，退瘡腫，定驚癇。」中醫有認為，鴨肉有養胃、補腎的功效，能清熱、消腫，尤其適合體內熱氣引起，有大便乾結、水腫症狀者食用。
所以我哋呢晚一家大細，決定同老爸嚟食片皮鴨啦！
呢間位於新城市廣場8樓嘅北京樓，似乎喺沙田開業十多年，但我哋都係第一次幫襯。主要原因呢間走中高檔路線，價錢絕對唔算大眾化。但係難得老爸想食片皮鴨，所以就算貴都嚟幫襯吓啦！
我哋6點半就到咗，嚟到後見有好多吉枱，侍應就送上兩壼茶水。未幾，開始人多，侍應已忙不過來。而我哋舉手想點餐亦都冇乜人理。等咗好耐，終於有人理吓我哋啦😂
點餐冇幾耐，先嚟咗個瑤柱蛋白炒飯，都幾好食。米飯粒粒分明，咸淡適宜。
唔住就嚟咗個金銀蛋莧菜，都係不過不失，同普通茶樓質素一樣。
跟住就嚟咗個豉汁蒸白鱔，鱔球一共八舊，每一舊都索價$30幾，好貴哦！真係要嗒真啲了！鱔球冇泥味，肉質爽口彈牙，都幾新鮮嘅！
跟住就係是晚嘅主角出場喇！薄餅皮下面有個小爐慶住，不過一陣就熄滅，要趁熱食喎！鴨皮充滿油潤光澤，包住京葱和青瓜絲，再加海鮮醬，一口一個，實在令人回味無窮呢！我哋每人都可以食到至少三個！
最後上嘅係松子黃魚，見到好多枱都有點！原條黃魚炸到脆卜卜，裡面的魚肉白雪雪，熱辣辣，就係外脆內嫩嘅組合。再配合酸甜醬汁，真係好開胃呢！不過呢個菜式連加一已將近$300，貴貴呢！
意猶未盡，仲要整多個高力香蕉同豆沙鍋餅，為呢頓父親節飯畫上完美嘅句號。大家食到飽飽，老爸笑得開懷，再貴都係值得的！
张贴
