月滿坊 (已結業)

一心想去petits買cup cakes，順道去elements揾餐晏仔食。點知行勻成個地方，乜嘢金木水火土都行晒，都係揀唔落手，實在係太貴嘞，感覺上多係物非所值嘅貨仔居多...最平可以每人五六十大洋攪掂嘅，應該係劣評如潮嘅夏麵館、three-sixty入面嘅food stalls同埋呢度la..上次食過夏麵館，今次先試呢度...話就話可以五六十蚊攪掂，但都只係得"一桶雞飯"呢個choice啫...炒粉麵每碟賣成七八十蚊，真係揾你食la...食到肉都赤埋...呢個雞飯set，有飯有雲吞湯有埋嘢飲，五十八大洋，感覺上抵好多，所以見到檯檯都叫，冇計...水準不太差--- 雞不太嚡；全蝦雲吞細細粒，冇乜雪味；難得個湯冇乜味精，仲有淡淡大地魚味，有少少出乎意料...都算收貨，仲想點?但想起出面一盒切雞飯最平嘅都係十一二大洋，不禁搖頭...