四寶食堂 (已結業)

新派茶餐廳小店「四寶食堂」，分店越開越多，今晚就去試吓點解佢咁受歡迎！店內裝修時尚美觀，座位寬敞舒適餐牌設計好精美，選擇豐富，定價適中蟲草花花膠燉雞湯燉湯熱辣辣，入口好鮮甜，無添加味精，由花膠、蟲草花、燉雞等等材料熬製而成，好足料，充滿家的味道晚市特餐特餐包括嫩滑炒蛋、香煎火腿、丹麥牛油厚多士、招牌沙嗲牛肉公仔麵及飲品，$53有交易，都幾抵食招牌沙嗲牛肉公仔麵將公仔麵轉咗做米粉健康啲～米粉幼滑爽口，好掛湯！招牌沙嗲牛肉好腍滑，香濃惹味，微微辣，充滿沙嗲香，仲有粒粒花生碎，增添口感，果然係招牌菜嫩滑炒蛋、香煎火腿、丹麥牛油厚多士炒蛋份量勁多，好嫩滑，滿有蛋香！配上香煎火腿及烘至香脆的丹麥厚多士🍞絕配呀，好好食😋鮑汁冬菇花膠排骨煲煲仔熱辣辣，表面上有兩大舊花膠扒，厚厚的，口感軟腍又彈牙，充滿骨膠原嘅感覺，女士們滋補必吃！底下係排骨肉同鮑汁冬菇，份量充足，炆得夠入味，佐飯一流！蟲草花高湯浸白菜仔翠綠鮮嫩的白菜仔，口感爽脆，配上鮮甜高湯、蟲草花及紅棗等等，健康又美味港式熱奶茶口感順滑，紅茶及淡奶比例恰當剛好，香濃紅茶味同時帶有奶香，正呀