新之食 (牛頭角道)

营业中

休息中

今日想食啲港式手工麵，就去咗附近間地道老字號麵店，試下佢哋嘅手工麵同餃子，好有驚喜！😋首先要讚嘅係佢哋嘅竹笙雞肉手工麵同埋牛筋白肉鹿茸菌手工麵，兩款麵嘅湯底都好出色，前者清甜，後者濃郁～竹笙雞肉手工麵嘅湯底飲落好舒服，竹笙爽口多汁，雞肉夠曬大件嫩滑，啲麵條又夠曬彈牙，索曬啲湯汁😍至於牛筋白肉鹿茸菌手工麵，就啱曬鍾意濃味嘢嘅朋友，湯底好滋補，牛筋炆得好腍，白肉肥瘦均勻 夠曬香口，配埋鹿茸菌，好飽肚💪煎餃子雙拼（菜肉餃、韭菜餃）都唔可以錯過～一次過試到兩種口味，好抵食！重點係配埋佢哋嘅酸辣醬，非常惹味，菜肉比例啱啱好，食落去好清新，啲餃子煎得金黃香脆，皮薄餡靚，好好味🥟