S3 186 (已結業)

Happy Friday 星期五要食好野獎勵自己🤭見到新餐廳 S3 186 比佢裝修吸引左 即刻拉左朋友去試😋本身想試牛扒 可惜朋友最近要戒口 下次再試👍🏻叫左軟殼蟹海膽意大利飯同鵝肝意粉加$48 升級做套餐 有餐包、沙律、湯同飲品 見咁抵諗都無諗加左是日餐湯咁岩係龍蝦湯 平時要加錢先可以升級😆龍蝦味鮮甜 配埋麵包食岩岩好😋最鍾意去西餐廳叫意大利飯 因為可以試到廚師水準果然有驚喜☺️ 海膽味濃郁 好似用緊海膽送飯 同時飯唔會煮到好淋 有咬口 讚👍🏻軟殼蟹夠晒大隻 配意大利飯 大滿足😋另外叫左鵝肝牛肝菌闊蛋麵 由於鵝肝本身比較油膩 所以麵係用牛肝菌黎炒 味道偏淡 啱啱好可以中和番鵝肝嘅油膩 呢個配搭冇得頂 食完唔會覺得好大負擔☺️最後甜品係芒果布甸 如果可以係西式甜品會更加開心 不過個套餐咁抵 都值回票價😛雖然係新開餐廳 但食物質素有水準 而且絕對唔孤寒 配料足 另外環境清靜 酒水都有好多選擇 適合鍾意小酌同朋友傾偈 誠意推薦住附近嘅朋友去試吓❤️