影片
更多
2021-10-09
50 浏览
終於試到呢間餐廳，之前已經想食好耐。我哋平日夜晚七點半入去，都見入面full晒咁滯。嚟到點都要嗌海南雞飯啦，我哋嗌咗天天海南雞（中份），肉質好鮮嫩，油飯好入味，配埋啲醬汁可以不斷送飯，很好！見到個menu頭幾位有古法骨茶同黃金軟骨，就嗌咗嚟try try。黃金軟骨喺呢間餐廳算比較平嘅小菜，嚟到先知點解咁多人嗌。一嚟到就聞到成浸鹹蛋香味，食落去嘅時候炸粉同雞軟骨中間有隔開一層layer，唔會完全黏實，同埋好香口，唔錯唔錯。比較普通係古法骨茶，聞落去幾大浸胡椒味，但飲落味幾淡，飲唔出有好濃嘅肉骨茶味。三色小籠包嘅setting好聰明，包頂插住一支針筒嘅物體，入面載住醋，到食嗰陣先bit出嚟，唔會因為為點醋而令到個小籠色爆皮漏汁，幾貼心。黑松露味幾特別，橙色嗰隻意想不到地有少少辣。嘢飲方面，我哋見到隔離枱嗌咗壼好大嘅水果茶，原來係招牌超級水果茶，所以就跟往嗌。杯嘢嚟到我同個fd都嚇窒咗，成一公升咁多，都係賣38蚊，好誇張。入面仲有熱情果籽，推薦！
嚟到點都要嗌海南雞飯啦，我哋嗌咗天天海南雞（中份），肉質好鮮嫩，油飯好入味，配埋啲醬汁可以不斷送飯，很好！
見到個menu頭幾位有古法骨茶同黃金軟骨，就嗌咗嚟try try。
黃金軟骨喺呢間餐廳算比較平嘅小菜，嚟到先知點解咁多人嗌。一嚟到就聞到成浸鹹蛋香味，食落去嘅時候炸粉同雞軟骨中間有隔開一層layer，唔會完全黏實，同埋好香口，唔錯唔錯。
比較普通係古法骨茶，聞落去幾大浸胡椒味，但飲落味幾淡，飲唔出有好濃嘅肉骨茶味。
三色小籠包嘅setting好聰明，包頂插住一支針筒嘅物體，入面載住醋，到食嗰陣先bit出嚟，唔會因為為點醋而令到個小籠色爆皮漏汁，幾貼心。黑松露味幾特別，橙色嗰隻意想不到地有少少辣。
嘢飲方面，我哋見到隔離枱嗌咗壼好大嘅水果茶，原來係招牌超級水果茶，所以就跟往嗌。杯嘢嚟到我同個fd都嚇窒咗，成一公升咁多，都係賣38蚊，好誇張。入面仲有熱情果籽，推薦！
张贴
