蛙蝦蝦·創意麻辣火鍋店 (已結業)

今日約左親子活動，帶埋仔仔去食飯。朋友介紹左呢間蛙蝦蝦，夜晚係打邊爐，中午係食腸旺面酸辣粉嗰類。最有特色係特制麻辣漢堡同shake shake 蝦！shake shake蝦有孜然椒鹽粉同秘製麻辣粉兩種選擇，我地兩個都試左，都好唔錯，就睇你食唔食得辣。仔仔shake得好開心，都幾啱小朋友玩！至於個漢堡，首先要大贊塊豬排，拍得住澳門食到的，店長好細心咁幫我地將辣醬分開上，咁仔仔都可以食。不過肯定要加埋辣好食好多！