斗滾 (銀座38)

一班朋友早2個星期book左斗滾尖沙咀店，安排左入房坐，但係有d逼，要肩貼肩坐，後面都有人😅

一開始係雞煲，要等一陣先上菜，黎到仲要炒一炒先食得，試左唔辣，小辣同中辣，雞煲比較遜色，小辣同中辣都無咩味，唔辣反而仲好食，雞肉都唔算太多🤦🏼，係扣分位。

之後就係上蒸海鮮，海鮮上菜係好睇既，打卡一流，雖然得一份，但每樣野都好食😋

然後就到上湯打邊爐，湯底可以飲左先，而且好足料，唔似岀面d濃味火鍋咁👍🏻
打邊爐可以岀去拎料打，都算多野試，最正既係任fill既牛肉同豚肉，好食推薦。👍🏻

最後仲有一個椰汁甜品，呢個太甜同埋食個陣太飽，唔識欣賞🙈

為海鮮打卡既都可以黎，雞煲既話就唔太推薦了。