曼谷食堂 (已結業)

晚餐時間係利園附近覓食，無意間發現有間泰國菜，曼谷食堂，見入面裝修新淨，門口餐牌既海南雞幾抵食，於是入去一試。入座後發現原來海南雞已經賣曬，又唔想周圍走，唯有坐定定叫其他野食，點知又有d 驚喜...青木瓜沙律 $42木瓜絲好爽脆，味道酸酸甜甜，好開胃。雖然味道唔夠正宗，比較港式，但勝在唔太辣，同行唔食辣既朋友可以一齊分享，配搭車厘茄，真心正！ 8分燒豬頸肉配泰式辣汁 $55豬頸肉一般，肉質緊實唔會好乾，但唔夠香口，味道基本黎自隔離的泰式辣汁。辣汁唔辣，鹹鹹地，冇過人之處。5分泰式滷水豬手（例）$70豬手滷到好入味，炆得好冧，起曬膠，豬皮最，唔油膩，感覺啖啖膠原放入口。呢道菜跟左個酸辣汁，酸酸地，辣辣地，好過癮！（最後我豬頸肉都沾呢個汁）8分蒜蓉炒椰菜苗 $68份量比一般餐廳多，幾抵食，蒜蓉味香，不過椰菜苗有d 老，7分總體而言（5星滿分）：味道性價比服務環境值得再試！