店內裝修優雅，枱與枱之間分隔得好遠，保持社交距離。
細細碟前菜
涼拌粉皮
花生醬香濃，但唔夠幼滑，粉皮較薄，普普通通。
6分拍青瓜（是日前菜）
青瓜爽脆入味，蒜蓉香味同蝦米鮮味明顯，讚！
9分
鮮肉小籠包
小籠包上枱熱騰騰冒煙，非常吸引，肉餡鮮味結實，用料唔錯，如果小籠包湯汁多一d會更好。
因為漏單，等左差唔多一個鐘，幸得店員多次主動向廚房催單。:)8分
鍋貼
餡料唔錯，外層煎到金黃，賣相吸引，不過外皮較厚，整體一般。
6分
上海擔擔麵
香濃花生醬湯底，配合小小辣，非常惹味。拉麵麵質一般，不過不失。雖然冇花生碎，正唔正宗唔敢講，但整體唔錯，可以一試。
7分*擔擔麵內有蝦米，蝦敏感人士要注意。
菜脯肉碎炒飯
炒飯有肉碎.菜脯.蛋.蔥，份量好多，頗有鑊氣，炒得好香。不過飯粒太硬，嚼到牙較都軟，油比較多，菜脯切得太細，影響口感。
6分
豆漿
豆漿好似係用沖劑，唔係自家磨，表面有白色粒粒浮面，冇豆味，但味道可以，甜度適中。:)6分
柑桔酸梅湯
味道好似九製陳皮沖水，飲唔慣，感覺中伏。
4分
杞子桂花糕
甜度適中，口感Q 彈，係填寫顧客意見書贈送既甜品。
總體而言：
味道：佐料同其他上海菜餐廳有些少分別，但值得嘗試。
性價比：午市套餐抵食，可以一次淺嘗多款菜式，好滿足
服務：非常欣賞店舖聆聽客人意見，店員服務周到
環境：裝修簡潔優雅，坐位寬敞舒適
1
