沙田友冰室 (已搬遷) 新店位置

又係喺石門搵食嘅日子，呢間以懷舊港式做裝修的茶餐廳我都食過幾次，通常送完亞女返興趣班就會過嚟食返件蛋撻。今日我哋帶住亞女，叫牛油皮蛋撻俾佢食，佢好鍾意呀。牛油皮好香好脆，中間蛋撻心好金黃又唔會太甜，可惜冇影相。星洲炒米用料都好足，雖然下午茶只係30幾蚊，細細碟，但係裏面嘅配料都好多，蝦仁都有10隻左右。而且炒得好均勻，唔會一啲辣有啲唔辣。我哋仲叫咗楊州炒飯等小朋友都可以食，炒飯粒粒分明係，又唔會好鹹，小朋友都食得。凍檸茶中上水準，冰的份量足夠，茶味夠濃，甜度適中。