The Blind Pig (諾士佛臺) (已結業)

早排未禁堂食前去左尖沙咀諾士佛臺既一間Bar restaurant，趁Happy hour 就去飲杯嘢🥂順便食晚飯，餐廳內外都有位，室內燈光暗暗地，傾計食飯都好有氣氛🤓。*牛油果🥑香芒大蝦沙律 $162*蝦肉🦐大大隻，而且煎得香口，配上好甜既芒果肉，仲有牛油果、蕃茄仔同沙律菜，感覺清新。值得一讚係醬汁，酸酸辣辣，好開胃👍🏻👍🏻。*蕃茄肉丸意粉 $158*三粒大粒肉丸，並非雪藏而係餐廳自製，配埋芝士碎都惹味。*香煎海鱸魚半份 $198*鱸魚煎得香口，配西班牙辣肉腸、蝦、硯等食材，整個口感有鮮味唔腥。