樂天大喜屋 (已結業)

朋友生日飯佢話想吃放題，我地就又黎左依間啦，好似每次生日飯都黎依度，真係食開有感情因為係平日，我地又7點前就到左，所以就唔洗等位，正一坐底我地就狂叫刺身先，依間啲刺身好大件新鮮，肥厚多肉，依個係我地中意黎食既原因之一。我本人勁中意食海膽，依間無海膽刺身，係唯一遺憾，如果有我會多啲黎不過好在佢有海膽壽司，都新鮮鮮甜，我地叫左幾碟今次有有驚喜，新出左冬菇花膠，味道就一般般啦，勝在大件最後食埋個movenpick雪糕就完美結束。最後略略提一下，有個侍應幾靚女