影片
更多
2021-09-28
109 浏览
小魚兒 (富麗花園) (將軍澳).話說住將軍澳嘅我，發現咗有一間幾出名嘅烤魚開咗分店係寶林，就近近地今日帶屋企人去食.▪️老壇酸菜豆花烤魚▪️.我想講呢度，上至味道，下至魚嘅種類都可以任君選擇，呢度除咗一般麻辣烤魚，仲會有埋酸菜烤魚，因為屋企人唔食得辣嘅關係我哋當然選擇咗後者ψ(｀∇´)ψ魚嘅種類我哋一般通常出面食嘅烤魚都係鱸魚多，我哋今日俾貴少少嘅價錢揀咗江團魚，佢嗰度寫明肉質係會肥美啲，油分會重啲，仲會有膠原蛋白，我同我媽咪聽到梗係心心眼(⁎⁍̴̛ᴗ⁍̴̛⁎)果然上到枱冇令我哋失望，肉質實得來又夠嫩滑，酸菜大量，辣度同埋麻度我哋都係揀BB程度，相信如果食得辣嘅你哋揀更加多辣嘅話會更加酸辣更加惹味而酸菜烤魚入邊本身已經有少少配料，有豆腐同埋寬粉，寬粉肥嘟嘟煙煙韌韌，好有咬口，之後我哋叫配料嘅時候都encore左一份食完烤魚我哋仲叫咗紅薯粉，牛黃喉，娃娃菜同埋風琴豆腐，紅薯粉錄到變半透明就食得，滑脫脫而且夠腍，索晒酸菜湯。娃娃菜真係食乜嘢火鍋或者烤魚都必要嘅菜，因為真係超級吸味，因為呢個湯食菜真係好好食，之後我哋仲叫多咗個油麥菜牛黃喉估佢唔到好大碟，爽口得來，淥多陣都唔會變得好韌呢度最緊要仲有我最
.
話說住將軍澳嘅我，發現咗有一間幾出名嘅烤魚開咗分店係寶林，就近近地今日帶屋企人去食
.
▪️老壇酸菜豆花烤魚▪️
.
我想講呢度，上至味道，下至魚嘅種類都可以任君選擇，呢度除咗一般麻辣烤魚，仲會有埋酸菜烤魚，因為屋企人唔食得辣嘅關係我哋當然選擇咗後者ψ(｀∇´)ψ
魚嘅種類我哋一般通常出面食嘅烤魚都係鱸魚多，我哋今日俾貴少少嘅價錢揀咗江團魚，佢嗰度寫明肉質係會肥美啲，油分會重啲，仲會有膠原蛋白，我同我媽咪聽到梗係心心眼(⁎⁍̴̛ᴗ⁍̴̛⁎)
果然上到枱冇令我哋失望，肉質實得來又夠嫩滑，酸菜大量，辣度同埋麻度我哋都係揀BB程度，相信如果食得辣嘅你哋揀更加多辣嘅話會更加酸辣更加惹味
而酸菜烤魚入邊本身已經有少少配料，有豆腐同埋寬粉，寬粉肥嘟嘟煙煙韌韌，好有咬口，之後我哋叫配料嘅時候都encore左一份
食完烤魚我哋仲叫咗紅薯粉，牛黃喉，娃娃菜同埋風琴豆腐，紅薯粉錄到變半透明就食得，滑脫脫而且夠腍，索晒酸菜湯。娃娃菜真係食乜嘢火鍋或者烤魚都必要嘅菜，因為真係超級吸味，因為呢個湯食菜真係好好食，
之後我哋仲叫多咗個油麥菜
牛黃喉估佢唔到好大碟，爽口得來，淥多陣都唔會變得好韌
呢度最緊要仲有我最鍾意嘅風琴豆腐，識食嘅人都知道呢一隻豆腐係特別索湯，一咬入去爆曬啲酸菜湯汁！
呢度嘅價錢全部都唔貴，我哋四個人埋單$700都唔使，佢啲配料好多都係$28左右但大大份，所以真係好抵食，我絕對係五星推介大家
.
▪️蒜蓉牛油粟米🌽/ 香蒜燒茄子▪️
.
呢度除咗有烤魚俾你食，仲會有串燒，呢度嘅串燒都好足料好好食！
蒜蓉牛油粟米一兜入邊有六件，你就咁睇張相就已經見到佢布滿晒蒜蓉，個粟米又夠甜
香蒜燒茄子原條上，又係充滿着蒜蓉喺面，真係食完之後令你樂而忘返
.
飲品方便呢度值得一讚嘅係杯杯飲品都好大杯，大家都知道食呢啲嘢飲品真係會飲好多，佢杯凍檸茶真係大大杯但係都係10幾蚊，勁抵飲！
.
📌 小魚兒 (富麗花園) (將軍澳)
將軍澳毓雅里7號富麗花園地下3-5號舖
環境：⭐️⭐️⭐️⭐️⭐️
味道：⭐️⭐️⭐️⭐️⭐️
服務：⭐️⭐️⭐️⭐️⭐️
價錢：⭐️⭐️⭐️⭐️⭐️
张贴
