影片
更多
2018-05-26
164 浏览
聽朋友講呢間《馬辣台式鴛鴦火鍋》喺台灣有多間分店， 最出名嘅就當然係麻辣湯底， 喺大鴻輝中心仲推出咗放題火鍋任飲任食， 價錢都係二百蚊有找， 非常之抵食。今日放工就同幾位靚女同事， 一齊去大涮一番。 未夠7點已經開始坐滿客人， 火鍋店環境非常之寬敞， 一啲都唔侷促。 有卡位，圓枱，同長枱， 啱曬同唔同朋友嚟邊食邊傾偈。火鍋店採取開放式設計， 各款嘅火鍋材料整齊咁放咗喺各個雪櫃入面， 而且分類妥當， 肉類，丸類，蔬菜類，豆類等等整齊咁排列起黎。 鍾意食幾多粒就幾多粒， 一啲都唔會浪費。 而且火鍋配料種類亦有成數十款， 每樣食一件都真係夠飽呀~除咗火鍋外， 呢間麻辣火鍋仲有其他嘅熱食， 好似有台式肉燥飯，啱晒無飯不歡嘅朋友。講下啲火鍋湯底， 有成八款嘅選擇， 我就最鍾意正宗台式麻辣火鍋湯底， 同埋胡椒豬肚湯底。 麻辣湯底充滿各種香料嘅香氣， 麻香十足， 非常惹味。 胡椒豬肚湯底胡椒味十足， 夠曬辣，食落行氣活血。各款火鍋配料嘅質素亦相當之高， 絕對唔會將貨就價。 粟米同粟米芯都夠曬清甜， 南瓜片亦夠軟軟淋。仲有我至愛嘅芥辣蟹籽丸，流心嘅蟹籽一咬爆發。另外仲有個款精選肉類， 好似有美國安格斯
今日放工就同幾位靚女同事， 一齊去大涮一番。 未夠7點已經開始坐滿客人， 火鍋店環境非常之寬敞， 一啲都唔侷促。 有卡位，圓枱，同長枱， 啱曬同唔同朋友嚟邊食邊傾偈。
火鍋店採取開放式設計， 各款嘅火鍋材料整齊咁放咗喺各個雪櫃入面， 而且分類妥當， 肉類，丸類，蔬菜類，豆類等等整齊咁排列起黎。 鍾意食幾多粒就幾多粒， 一啲都唔會浪費。
而且火鍋配料種類亦有成數十款， 每樣食一件都真係夠飽呀~
除咗火鍋外， 呢間麻辣火鍋仲有其他嘅熱食， 好似有台式肉燥飯，啱晒無飯不歡嘅朋友。
講下啲火鍋湯底， 有成八款嘅選擇， 我就最鍾意正宗台式麻辣火鍋湯底， 同埋胡椒豬肚湯底。 麻辣湯底充滿各種香料嘅香氣， 麻香十足， 非常惹味。 胡椒豬肚湯底胡椒味十足， 夠曬辣，食落行氣活血。
各款火鍋配料嘅質素亦相當之高， 絕對唔會將貨就價。 粟米同粟米芯都夠曬清甜， 南瓜片亦夠軟軟淋。
仲有我至愛嘅芥辣蟹籽丸，流心嘅蟹籽一咬爆發。
另外仲有個款精選肉類， 好似有美國安格斯黑牛，薄薄一片，牛味濃郁， 而且肉質夠嫩滑。 除咗牛之外亦有黑毛豬梅花， 黑毛豬唔會騷，肥瘦平均， 入口即溶。
最後呢度仲提供咗唔同種類嘅甜品， 有法式燉蛋同埋蛋白燉鮮奶， 蛋白燉鮮奶奶味香濃， 品質一啲都唔差。
另外仲有各人摰愛，Dreyer’s 雪糕㖭~
食飽飽之後， 食返啲咁正嘅甜品， 簡直係完滿。
呢間《馬辣》火鍋果然非浪得虛名， 價錢抵食物質素又高， 最重要係款式夠多， 令人目不暇給，推推推~
张贴
