Holam Bakery

营业中

休息中

Holam Bakery鐘意食千層蛋糕既朋友一定會知道Holam Bakery。出名好食之餘，價錢亦都非常之平，性價比極高。之前有幾次想買，但幾次都買唔到。今次見朋友生日，就早少少訂咗個8件拼味千層蛋糕同佢慶生。呢個蛋糕好有神秘感，到拎蛋糕前一日你先會知有邊8個味道。咁我地當日就有，朱古力，原味牛乳，抹茶，玫瑰，伯爵茶，紫薯粒粒，海鹽檸檬同埋焦糖燉蛋。整體黎講，忌廉幾綿滑，千層皮同忌廉都幾分明，唔會一咬落去屙似食再一pat cream咁。蛋糕亦唔會太過甜，非常好。 至於八個味道，原味牛乳同焦糖燉蛋味味道好相似，焦糖燉蛋唔夠出，呢個有少少失望。抹茶味有朋友覺得茶味太濃，食落有啲over咗，有少少苦。但我覺得茶味濃返而令我冇咁膩，唔會成口得cream同甜味，中和返。伯爵茶既茶味好香，出色之作。其他味道雖然冇茶味咁出色，但都唔錯既。總括黎講，千層蛋糕整體黎講都好好食，忌廉味比較重，但價錢非常便宜，性價比好高。而且店主服態度好好，回覆亦都好快手，值得一讚！