鴻福堂

营业中

休息中

「鴻福堂」最多幫襯喺佢啲飲品，尤其喺火麻仁，依家真喺唔多地方可以飲到。其他清潤嘅飲品，都可以晌超市搵到，仲不時做優惠，比起飲汽水、咖啡，自然相對健康好多。不過，今次就唔喺講嘢飲，而喺講湯品。老婆就好鍾意湯水嘢，我哋都不時有煲湯，不過，就唔會煲啲太繁複嘅，而「鴻福堂」嘅湯品選擇多，又足料，正正就喺我哋唔會煲嘅湯類，今次分享嘅喺「花膠響螺煲竹絲雞湯」（$56），呢款喺老婆近期嘅心水。有咩功效就唔多講喇，專登影埋個包裝袋背面，功效一欄自己睇，不過，值得一提嘅喺佢哋嘅湯品更喺無添加、無防腐，仲要嚴選食材，就好似呢款雞湯，包裝袋面註明選用歐盟無激素有機雞，故此，令人享用得更安心。一袋嘅份量可以倒到兩大飯碗，兩公婆一人一碗就啱啱好。單睇湯色就跟平常飲嘅湯分別唔大，但一啖入口，就知無欺場，湯味濃郁，猶如啖啖精華入口。但提一提，湯中喺無湯渣嘅，就算喺花膠，都唔會搵到花膠，只喺飲落都帶點膠質感。香港人有幾忙碌唔使多講，呢一類即飲湯水真喺為人帶來好多方便。擺定幾包晌雪櫃，不時就有得飲喇。