餐廳有間房設計, 當晚就間咗房比人包場, 除了鐵板位, 都有好幾張TABLE SEATS。
2
見到呢個Promote set咁豐富, 價錢相對抵, 就order咗呢個set。
6
【瀧宴宮崎和牛龍蝦套餐】HK$980/位
前菜: 水云菜、海鮮沙律、薯仔沙律
每款份量精緻, 水云菜酸酸地, 非常開胃。
刺身三款:
包括有深海池魚、鰹魚、赤蝦, 其中赤蝦肥美爽口。
雜錦魚生飯: 數款切粒魚生切成細粒再加上鮮美海膽, 配上少少醋飯, 口感同味道同樣滿足。
海鮮茶碗蒸: 甜甜地兼嫩滑得入口即化嘅蒸蛋上, 加了些少蟹肉碎, 更為鮮味。
蜆湯: 味道清甜, 有大量海帶同埋兩隻蜆。
汁煮愛媛縣鰤魚鮫: 鰤魚鮫煮得好林又入味, 甜甜地, 配有蘿蔔等配料, 吃出了汁煮嘅精髓。
終於到鐵板鐵環節,
每人可享半隻龍蝦: 師傅以龍蝦膏將龍蝦肉炒起, 每件龍蝦平均包住了甘黃色龍蝦膏, 甘香鮮味, 不過口感未算爽, 反而偏林。
南非鮑魚: 整個併盤上檯打卡時, 鮑魚超生猛咁蠕動, 師傅將鮑魚切片燒, 口感爽彈有鮮味。
日本宮崎和牛: 肉質鮮嫩有肉汁, 咀嚼時滲出牛脂, 配有炸蒜片同埋酸汁洋蔥, 用作平均油膩。
煙肉香蒜炒飯: 炒飯炒得粒粒分明, 夾集煙肉、蒜粒, 非常香口, on top再加隻蘭黃太陽蛋, 蛋味突出。
最後送上炒什菜同埋是日甜品—芝麻奶凍。
整個套餐夠哂豐富, 飽肚感十足!
