龍門一番 上海·紫砂燉湯 (已結業)

第一次嚟呢頭食嘢，肺炎前周圍各餐廳都排長龍，想食上海野，所以揀咗呢間，都要排好耐攞飛等，差不多等超過半個鐘，等嘅時候職員有派茶俾等嘅人飲。意外驚喜，冇揀錯，各種菜式都有水準。飲茶每人一壺，所以每人可以揀自己唔同嘅茶，唔使就來就去。牛肉餅好好味；炒飯有臘腸，好香惹味；小籠包同埋獅子頭好正宗。最緊要甜品有高力豆沙配雪糕，因為唔係間間上海店都有，呢個甜品令成餐非常之圓滿，好滿足。推介，食物ok價錢都合理，會再嚟。