Aroma Truffle (已結業)

自從搬咗出嚟之後，我同老公就成日買薯片呢啲零食，打機打夜左或者睇戲有啲嘢咬下先過癮嘅，今日就買咗兩包黑松露薯片，一包係芝士味一包係原味，價錢唔係話好貴值得一試，我自己比較鍾意有芝士味嗰包淡淡地嘅芝士味，唔會好濃！薯片嘅質感係偏厚非常有薯仔味，摸上手唔會好油，食落都好實在唔係好似其他薯片咁薄薄一片好似食咗空氣咁，好味嘅程度係我老公一開咗已經即刻食晒一包，而另一包係唔夠兩日入面已經都食埋啦，睇來好快又要再買過！