太元樓

营业中

休息中

呢晚想食上海菜，搵下搵下就揀左嚟太元樓食飯。餐廳係城市花園，如果唔太熟路既，可以先入城市中心，再問問保安點行。餐廳門面光猛新淨，入到去環境都舒適乾淨。餐牌好多野食可以選擇，樣樣都好好味咁，但由於我地得2人，所以揀唔到太多。最後我地揀左黃金蝦，涼曬白肉，乾煸四季豆以及乳鴿。　黃金蝦非常好食，咸蛋味豐富而且緊緊裹實隻蝦，每咬一啖都食到滿滿咸蛋味，超正。而蝦亦好新鮮，彈牙唔霉。乳鴿只係$28蚊就有一隻，但質素唔差，肉質嫩而多汁，好好味。涼曬白肉好得意，真係曬住啲肉XD，個汁係辣既，唔食得辣既就要留意下。四季豆炒得乾身香口。影左餐牌比大家參考下～