康瑞涼茶 (已結業)

深水埗常食芋圓點可能唔食康瑞？康瑞而家搬左新舖，舖位大左，所以可以容納多啲客人，不過我都係堅持買返屋企舒舒服服咁食。必食仙草百配。芋圓，係自己整嘅， 好有心做家！重點係唔甜！岩哂怕甜嘅人食啦！😋好多人去到康瑞都會叫仙草百配，但其實佢嘅桂花酒釀丸子都係十分好食，但佢只供熱食。因為熱食先會聞到陣陣桂花香，配上細滑嘅蛋花，煙韌嘅丸子同芋圓，真係會食唔停口。最難得嘅係通常熱食甜點都係偏甜，但呢個糖水係絶對唔會有呢個感覺，所以如果你地食仙草百配有點悶的話，呢個應該都係不二之選啦！