SOYmart by 豆乳狂人

营业中

休息中

嚟到樂富廣場，一定會被炮谷嘅味道吸引咗，望遠少少，原來仲有一間新開嘅專做豆乳小食甜品嘅舖頭！都有不少人喺度排隊買嘢食！甜品都食得多，專做自己嘅豆乳甜品都係第一次食！入到舖頭好大個玻璃櫥窗顯示他們怎樣由黃豆再去做其他甜品，感覺非常新鮮！他們嘅食物種類都不少，當然最吸引我嘅係雪糕，好多款配搭嘅選擇.另外亦有其他甜品飲品及小食. 特濃豆乳芭菲，主角當然係上邊嘅雪糕！確實係非常之香濃豆香.口感唔係平時食嘅軟雪糕那麼軟軟的. 但都係好滑，配搭左Q彈的糯米波波同顏色鮮艷嘅蕨餅！仲有少少雪糕溶咗落去底加埋啲香甜粟米片，口感更好！好味白玉宇治抹茶豆乳雪糕，其實就係兩隻味嘅雪糕！抹茶亦都係非常之香濃。兩者溝埋各有層次.係我首選！多芒楊枝甘露，好大碗！用料十足，真係實晒！除咗芒果多西米仲多. 味道都可以，如果多啲椰汁會更加好，因為西米實在太多！最後喺隔離枱阿姐推介，佢一路食個豆腐花加芝麻糊一路讚，話好好食，下次再去試吓先順帶一提，員工服務很好👍🏻👍🏻