博多拉麵別天神 (已結業)

灣仔店非常mini, 兩邊bar枱，目測最多只可以坐十人。去到已經下午茶時段，唔洗等位！餐牌只有兩款拉麵供選擇，對於我呢啲有選擇困難症既人黎講，未嘗唔係一件壞事🙈🙆 蝦味噌豚骨湯麵 $85試左期間限定既蝦拉麵，一上枱，蝦味並沒有噗鼻而上。呷一口湯，好驚喜，香濃蝦味唔會濃到掩蓋豚骨湯既鮮甜，但又唔會被豚骨湯喧賓奪主。先有櫻花蝦襯托既蝦鮮味，豚骨香再而淡出，兩者協調得好好👍幼身拉麵偏爽身，掛湯力不俗。反而叉燒好普通，雖然肉質軟滑，但佢似一片普通既肉多過日式叉燒，沒有肥瘦相隔，亦非常細塊。餐廳唔同既拉麵，提供辛辣version, 蝦拉麵只要加七味粉同店家特有既辣芽菜即可。建議大家放係湯匙調味，試下岩唔岩自己口味先。我試左加辣後，都係鐘情原味，因為辣味唔多唔少會cover左蝦湯既鮮味🙈呢到更提供天然竹割箸，即無漂白過既筷子，大家可以食得更安心，但即棄筷子 唔太環保呢，又係魚與熊掌，二擇其一既問題🤔🤔