老夫子港式餐廳 (已結業)

餐廳在 Emax 2樓，原來2樓已經變成一個food court, 沿着老夫子的路牌走着走着，就看見了老夫子茶餐廳。餐廳內的裝修充滿懷舊港式風情，到處都會看到老夫子漫畫內的卡通人物，座位闊落舒適。最令人驚喜的，就是這家茶餐廳居然有煲仔飯供應呢！可惜，這晚我們來得比較遲，所以沒有叫煲仔飯，下次一定會再試，因為見價錢都係幾十蚊，好抵食。推介薑蔥雞，嘩呢隻雞不得了，超級滑，好多肉，薑蔥亦都非常多，最啱我呢啲鍾意食薑蔥嘅人，勁有雞味呀！食到呢度已經飽飽地啦，因為你隻雞雖然得半隻，但係真係啖啖肉囉，好大碟㗎 ！上湯黃芽白，呢碟又係非常大碟，差不多成棵黃芽白咁上碟。我見佢Menu其他餐都係50幾蚊至60幾蚊不等，有小食有嘢飲有主菜，喺香港物價百物騰貴嘅情況下 ，想平平哋又食得豐富嘅都真係唔易搵。我哋有時間一定會再嚟幫襯。