影片
更多
2023-03-02
1105 浏览
天氣開始凍返，又係打邊爐既時間，食得麻辣火鍋多，今次想試下滋潤d既湯底。咁岩又撞正朋友生日，就同佢去左位於旺角匯賢居2樓既呢間＜canton pot>慶祝下～花膠燉響螺湯（$298）打邊爐除左個煲之外，最緊要就係個湯，呢個湯底除左有花膠同響螺之外，仲有好多桂圓同淮山。材料雖然好似好簡單，但飲落非常鮮甜，我同朋友都飲左2碗先捨得開始打邊爐火鍋蛋糕（$668）生日又點少得蛋糕，但呢個係非一般既和牛蛋糕。蛋糕分三層，最上層既係鹿兒島薩摩和牛，中層係本地牛頸脊，最底既一層美國牛頸脊。上面仲插住個靚靚既生日牌。除左岩哂牛魔王之外，仲好岩用黎同一d唔鍾意食甜野既朋友慶祝生日百花海參雲腿釀蟹鉗（$138）睇個名咁長就知佢駕勢，將雲腿同海參混入蝦膠入面再整成蟹鉗既造型，一啖入面會食到蝦肉既鮮甜、海參既彈牙同雲腿既鹹香，味道好有層次四合丸($118)呢度好多食物都係餐廳自家製，平時係出面聽都冇聽過。就好似呢味四合丸咁，佢主要係由鮮蝦同墨魚打成，再混入露筍同金華火腿，口感比一般既蝦滑同墨魚滑更鮮味更彈牙響鈴卷（$34 半份）呢度既響鈴係即叫即炸，所以可以唔使放湯就咁食，餐廳仲會跟埋一碟甜酸汁，開胃
花膠燉響螺湯（$298）
打邊爐除左個煲之外，最緊要就係個湯，呢個湯底除左有花膠同響螺之外，仲有好多桂圓同淮山。材料雖然好似好簡單，但飲落非常鮮甜，我同朋友都飲左2碗先捨得開始打邊爐
火鍋蛋糕（$668）
生日又點少得蛋糕，但呢個係非一般既和牛蛋糕。蛋糕分三層，最上層既係鹿兒島薩摩和牛，中層係本地牛頸脊，最底既一層美國牛頸脊。上面仲插住個靚靚既生日牌。除左岩哂牛魔王之外，仲好岩用黎同一d唔鍾意食甜野既朋友慶祝生日
百花海參雲腿釀蟹鉗（$138）
睇個名咁長就知佢駕勢，將雲腿同海參混入蝦膠入面再整成蟹鉗既造型，一啖入面會食到蝦肉既鮮甜、海參既彈牙同雲腿既鹹香，味道好有層次
四合丸($118)
呢度好多食物都係餐廳自家製，平時係出面聽都冇聽過。就好似呢味四合丸咁，佢主要係由鮮蝦同墨魚打成，再混入露筍同金華火腿，口感比一般既蝦滑同墨魚滑更鮮味更彈牙
響鈴卷（$34 半份）
呢度既響鈴係即叫即炸，所以可以唔使放湯就咁食，餐廳仲會跟埋一碟甜酸汁，開胃之餘仲可以解解膩
鍋巴（$29 半份）
第一次見打邊爐會有鍋巴，除左索湯之外，仲有淡淡既米香味，但如果成件浸湯既話好易會散哂，所以建議將鍋巴放係碗度，再將湯淋上去，咁就唔怕散哂～
野生竹笙（$78）
竹笙好多地邊都有，但多數都係好薄身，呢度既野生竹笙厚度係平時食時幾倍，即係吸汁既能力都係幾好，同花膠響螺湯底可以話係絕配
张贴
