明星海鮮酒家 (已結業)

假日同屋企人飲茶，食量不大所以三個人叫三樣嘢就夠我好鍾意芝士又鍾意伊麵，所以如果間酒樓有芝士伊麵我通常都會叫😋 明星嘅芝士伊麵係配蝦而唔係龍蝦，不過由於我唔食蝦亦唔食龍蝦，所以對我嚟講冇分別😂😂 芝士汁水準穩定，芝士味香濃，唔會有騷味，質地稠身，好容易就掛滿喺伊麵👍🏽🤤 而伊麵就水準冇咁穩定有時彈牙啲有時淋身啲，今次就略微太淋，不過撈埋芝士汁都好好食，推介👍🏽🤤另外叫咗燒汁煎釀茄子同家鄉甜薄罉，茄子走油/炸過，外脆內軟，配燒汁好夾，但燒汁水準唔穩定，有時味濃啲有時淡啲，撞手神😂家鄉甜薄罉好味，煎完嘅薄罉捲成一條切件，再灑上香脆花生碎，我特別鍾意食頭尾，因為多邊位脆啲，而花生碎就似平時糯米糍啲餡，都同薄罉夾嘅👍🏽總結：呢間酒樓水準唔太穩定，但差極有個譜，由其推介芝士伊麵👍🏽