醉胡爐 (已搬遷) 新店位置

因為太鍾意打邊爐嘅關係，一個月都要打幾次，而我最鍾意食嘅打邊爐舖頭一定有醉胡爐份！最鍾意佢嘅用料新鮮服務又唔錯！價錢來講唔算平㗎，但都對得住個價錢，所以都係一分錢一分貨，佢嘅地理位置咪算好方便，喺尖沙咀或者佐敦出口行過嚟都要行10分鐘左右！唔緊要啦，要食好嘢梗係要付出下㗎！一嚟到店員就介紹咗個新嘅湯底俾我哋食，咁我哋就按照佢嘅意見叫咗呢個新湯底！因為朋友皮膚會敏感，所以今次我哋唔係叫牛啦！好少何打邊爐主要嘅豬肉！胡爐豚併盤！今次就搞搞新意思，價錢同牛都差唔多，所以我都好大期望！好彩都不負眾望，肉味都幾濃，肉質一啲都唔鞋口！唔錯可以再叫！之後梗係要叫一個蔬菜拼盤，仲有XO鮑魚蝦餃王，半打墨魚丸，仲有雞腿肉！真係食到飽到上心口！好滿足！